Pneuma

Died Long ago

Tuesday, November 22, 2005

لحظة تبتسم فيها الحياة

أوصلنى إلى محطة القطار وأعطانى التذكرة وودعنى بعينيه وسلم ثم ابتلعه الزحام

Saturday, September 03, 2005

when i was Wana mashy

من كام يوم كنت نازلة كانتالساعة حوالى 10 تقريبا وكان الريس رايح يفتتح معرفش ايه قرب بيتنا
نزلت من البيت وكان اصحابى واقفينقادام الجاكع اللى جنب بيتنا علشان عنجهم رحلة تبع المسجد ... سللمت عليهم قالوا لى مش عاتعرفى تطلعى على الشارع الدنيا مقفولة هما كمان مكانوش فاهمين فيه ايه. المهم طلعت على الشارع لقيته مقفول وعساكر كتير ودنيا واحد قالىممنوع قلت منوع ايه ولسة هاقول يا خناق وانا اصلا على اخرى من البشر دى الامين قاله عديها بصيت بقرف واستغراب ورحت ماشية..... طلعت بره على الشارع الرئيسى لقت الموضوع كبير اوى عساكر واقفين حيطة ولا بتوع الكورة وكتيــــــــــــــــــــــــر اوى اوى... قلت استهبل بقى ومشيت تقريبا فى نص الشارع ما الشارع فاضى بقى مفيش عربيات اصلا لقيت واحد بيشاور لى من بعيد انى امشى على الرصيف طب الرصيف عليه بقايا رمل اصلا كانوا الناس بيبنوا عمارة وطبعا شالوا الرمل على قد ما يقدروا وانا معلش يعنى مش هامشى فوق الرمل فضلت ماشية ولا كانى شايفاه لحد ما وصلت قربه كدة وكان لازم اطلع فوق الرصيف علشان العساكر مقفلين الدنا ومش هاعرف امشى مشيت وانا متغاظة وبصوت مسموع باقول (حسبى اللهونعم الوكيل) واحد من العساكر بص لى وهز كتافه وكأنه بيقول - ملناش ذنب والله واحدت تانى لقته بيرد بابتسامة مستخبية علشان الظابط مايخش بقاله وقلى احسن ... البرطكان ابتدت ناره تطلع لفوق العسكرى دة فكرنى بزميله اللى صرخ وقال مش هاضرب مصريين وخجوه يا عينى ومنعرفلوش مكان لحد دلوقتى وبس المهم انى عرفت ان بكرة اكيد احلى ... بكرة اكيد احلى

Thursday, August 04, 2005

باعتبار ما يحدث ... قد يحدث فى اى مكان

ناس بتحيا وناس بتموت
ماذا لو مات الرئيس
قبل الانتخابات وبعد اغلاق باب الترشيح؟

بعض الاحتمالات
اولا: عدم إعلان الخبر لفترة ويظل الحكم من الباطنبجمال وا بغيره حتى يروا ما هم فاعلين فى امرهم

الثانى: يعلنوا وفاته ويمسكوا ابنه الاحكم باعتبار اننا ولاد بلد مصرين وان اللى خلف ماماتش

الثالث: يتم تحضير روح السيد الرئيس ويتم بث الوقائع على الهواء مباشرة واخذ رئيه فيمن يريد ان يخلفه فى ولاية البلد

وعلى رأى محمد هنيدى حسبى الله ونعم الوكيل فيك يا فخرى

Thursday, July 28, 2005

مصر

يا مصر
حلم ساحر الالوان رافق كل عمرى
كم داعبت روحى رؤاه فرف روحى خلف صدرى

فدوى طوقان



الاخت فدوى بتقول ان مصر حلو ورؤية وحاجات بتهفف كدة مش عارف ايه
الكلام دة درسته فى ابتدائى بس منسيتوش علشان انا بجد "مع الاسف" بحب مصر
بس دلوقتى!!! مش عارفة

يمكن حبها دة مرض .. يمكن تعود او ادمان
يمكن بحب فيها الحيطان
الشوارع والبيبان
تاريخ محفور فى العمدان

بس الاكيد انى اللى حبيته فيها
وكرهته فيها
هو البنى أدم
الانسان اللى مبقاش انسان

Wednesday, July 27, 2005

شخابيط

بشخبط بالقلم على كل حاجة
على الحيطانوالورق
احساس بيطلع
تعبير عن اللى جوايا وكل الناس بتشخبط وتخبط
رسمى كله شخابيط
بس بحبه لأنه طالع من غير حسابات ومش بيزعل حد
بس فى شخابيط تزعل


الحكومة حبت تشخبط على الفقرا عملت اتوبيس بخمسين قرش .. هو اصلا مرتب الغلابة فى كام خمسين قرش

الحكومة حبت تشخبط على الانفجارات اللى بتحصل بس المشكلة ان شخبطتها بتضحكنا عليها لأنها اكثر سطحيةوغباء من شخابيط العيال

زميلتى شخبطت على شغلى علشان يطلع محش قدام المدير

وزارة السياحة وزارة الاعلام شخبطت على مصر بالاعلان اللىعملته

شخابيط كتير
بس انا لما بارسم او اشخبط مبأذيش حد

يمكن علشان انا روح مش موجودة اصلا

بس ليه باعيط لما حد يشخبط على حاجة بحبها

Tuesday, July 26, 2005

عصير مرارة بالخوخ

تقريبا لم يعد هناك احد من الأهل او المعارف فى مصر الا و قد اصابته لعنة الفاكهة فمنهم من دخل المستشفى و منهم من اصبح طريح الفراش او على الأقل اضطر لزيارة طبيب من جراء تناول ثمرة خوخ او مشمش او عنب, هذا الى جانب حالات التسمم الصريحة التى اصابت محبي البطيخ, حتى أصيب الناس بهلع فتفتق ذهن البعض الى اختراع طرق غريبة لتنظيف الفاكهة, فأعتقد البعض فى غلي الفاكهة و ذهب اخرين لوضعها لفترة فى مطهر, و لكن بالطبع كل هذة المحاولات لم تسفر عن اى نتيجة اجابية و ليس لها اساس علمى فتنحصر فائدتها فى اشعار الضحية بالراحة النفسية و انه فعلا عمل اللى عليه, فقد اكد خبراء التغذية ان الأسمدة الفاسدة التى تم استخدامها فى العقود الأخيرة قد لوثت التربة تماما بشكل يؤدى الى انتاج ثمار مسطرنة, لذا فالضرر داخل تكوين الثمرة و لا ينفع معه غسيل او مواد مطهرة, و المشكلة انها ليست ظاهرة عابرة او شحنة فاكهة فاسدة لان ما اصاب التربة تغلغل فى اعماقها و سيستمر لسنوات بعيدة يصعب تحديد مداها, فالمواطن اصبح محاصر من كل جانب فلا يمكنه مقاطعة كافة المزروعات و حتى لو امتنع عنها و عاش على الخبز فلن يمحو هذا اثر ماتناوله بالفعل فى السنوات الماضية.
الا يعد حماية مؤسسة الرئاسة ليوسف والى و التستر عليه باصدار تعليمات لأجهزة الأمن بعدم ملاحقته بعد ان قضت محكمة جنايات القاهرة باحالته للنيابة العامة فى 11 تهمة , ادانة صريحة و اعتراف ضمنى بتورط رأس اكبر بكثير من يوسف والى..ياترى مين؟؟!!!!

Pneuma

May Be I asked MySelf Why This Name,,, Well I considered My Self Died Already Long ago Now i am Only living Without Life, Simply Life Doesnot deserve to Be Lived, May Be i HAve Somthing Wrong Inside me, I do Hate Me Now While Writing This , i Don't Konw Why I Type This Way, All These Caps, And Why Aslan I Type In English Don't Know Realy, Alla I Can Say That I will Realy Write As a person Died From 5000 Years

Pneuma

Love

LOVE starts with a SMILE , grows with a KISS,and ends with a TEAR